Middle Python Developer

Azərbaycan Kredit Bürosu (AKB) fiziki və hüquqi şəxslərə məxsus məlumatları toplayır, təhlil edir və məlumat istifadəçiləri olan hüquqi və fiziki şəxslərə potensial müştərilərini qiymətləndirmək, mövcud müştərilərinin davranışlarını monitorinq etmək və portfelin idarə edilməsi ilə bağlı ən müasir həlləri təqdim etməklə onların risklərini minimallaşdırır. AKB məlumat təchizatçılarından topladığı məlumatları kredit hesabatı formasında tərtib edir, təhlilini aparır və istifadəçilərin sorğusu əsasında təqdim edir. Bununla da maliyyə asimmetriyasını azaltmaqla kredit risklərinin azaldılmasına xidmət edir.

AKB 260-dan artıq təşkilatla məlumat mübadiləsi həyata keçirir və fəaliyyətinin əsas istiqamətini irihəcmli məlumatlarla iş, habelə öz tərəfdaşlarına kredit hesabatı, skorinq və analitik həllərin təqdim edilməsi təşkil edir. Qarşıya qoyulmuş məqsədlərə çatmaq üçün AKB-nin Rəqəmsallaşma Departamentinə Middle Python Developer axtarılır.

Vakansiya haqqında:

Departament: Rəqəmsallaşma Departamenti

Vəzifə: Middle Python Developer

Müraciət üçün son tarix: 30.04.2025

Vəzifə üzrə öhdəliklər və fəaliyyətlər:

-       Yeni funksionallıqların hazırlanması və mövcud sistemlərin inkişaf etdirilməsi;

-        Kodun optimallaşdırılması və performansın artırılması;

-       API-lərin hazırlanması və inteqrasiya olunması;

-       Testlərin yazılması və proqram təminatının keyfiyyətinin təmin edilməsi;

-       Texniki sənədlərin hazırlanması və saxlanılması.

Tələb olunan təhsil və iş təcrübəsi:

-       Python proqramlaşdırma dili üzrə minimum 2-4 il iş təcrübəsi;

-       Django, Flask və ya digər web framework-lərlə iş təcrübəsi;

-       RESTful API və Microservices konsepsiyasında dərin anlayış;

-       SQL və NoSQL (PostgreSQL, MySQL, MongoDB) verilənlər bazası ilə iş bacarığı;

-       Git və versiya nəzarət sistemlərindən istifadə təcrübəsi;

-       Unit Testing və TDD prinsiplərinə hakim olmaq;

-       Bulud platformaları (AWS, Azure, GCP) ilə işləmə təcrübəsi üstünlükdür;

-       Docker, Kubernetes və konteynerləşdirmə texnologiyaları üzrə biliklər;

-       CI/CD proseslərinin qurulması üzrə təcrübə;

-       İngilis dilində texniki sənədləri oxuma və yazma bacarığı.

Üstünlük verilən əlavə bilik və bacarıqlar:

-       Asinxron proqramlaşdırma üzrə biliklər (Asyncio, Celery);

-       Redis, RabbitMQ kimi mesajlaşma sistemləri ilə təcrübə;

-       DevOps yanaşması və avtomatlaşdırma alətləri üzrə biliklər;

-       Komanda şəklində iş və çevik metodologiyalar (Scrum, Agile) üzrə təcrübə;

-       Açıq mənbəli layihələrə töhfə vermiş namizədlər.

Digər bacarıqlar:

-       Problemləri analiz etmək və effektiv həll yolları tapmaq bacarığı;

-       Yeni texnologiyaları öyrənmək və tətbiq etmək həvəsi;

-       Komandada işləmək bacarığı və yaxşı ünsiyyət qurmaq qabiliyyəti;

-       Məsuliyyətli və nəticəyönümlü yanaşma.

Maraqlanan namizədlər CV-lərini mövzu olaraq “Middle Python Developer” qeyd etməklə hr@acb.az ünvanına göndərə bilərlər.