Azərbaycan Kredit Bürosu IX Beynəlxalq Bankçılıq forumunun tərəfdaşı kimi mükafatla təltif edildi

19-20 Noyabr tarixlərində keçirilən IX Beynəlxalq Bankçılıq - “Etibarlı, təhlükəsiz və dayanıqlı bankçılıq” forumunda tərəfdaş qismində Azərbaycan Kredit Bürosu (AKB) təmsil olunmuşdur. Müvafiq tədbirdə Azərbaycan Kredit Bürosu (AKB) Azərbaycan Banklar Assosiasiyası tərəfindən təltif edilmişdir.

Azərbaycan Kredit Bürosu (AKB) fiziki və hüquqi şəxslərə məxsus məlumatları toplayır, təhlil edir və məlumat istifadəçiləri olan hüquqi və fiziki şəxslərə potensial müştərilərini qiymətləndirmək, mövcud müştərilərinin davranışlarını monitorinq etmək və portfelin idarə edilməsi ilə bağlı ən müasir həlləri təqdim etməklə onların risklərini minimallaşdırır. AKB məlumat təchizatçılarından topladığı məlumatları kredit hesabatı formasında tərtib edir, təhlilini aparır və istifadəçilərin sorğusu əsasında təqdim edir. Bununla da maliyyə asimmetriyasını azaltmaqla kredit risklərinin azaldılmasına xidmət edir.